Mədəniyyət

“Yaraşır” – Mahirə Nağıqızı

ADPU-nun Filologiya fakültəsinin dekanı,  Prezident təqaüdçüsü, Azərbaycan Yazıçılar Birliyinin üzvü, alim, pedaqoq, şair Mahirə Nağıqızı Azərbayca Respublikasının Prezidenti, Ali Baş Komandan İlham Əliyevə şeir həsr etmişdir.

Rezonans.az  həmin şeiri təqdim edir:

Yaraşır


Özü çıxıb müjdə verdi millətə,
Müjdəsinə neçə qurban yaraşır.
Zülm edənin canı düşdü zillətə,
Uca millət, sənə ad-san yaraşır.

Həyan umduq gələn səsdən-səmirdən,
Tanrı verdi səbrimizi dəmirdən.
O illəri tale çıxsın ömürdən,
Nə cür desən, nə cür yazsan, yaraşır.

Elə bil ki, dünən burdan köçmüşəm,
Füzulidən, Cəbrayıldan keçmişəm.
Həsrətini zəhər bilib içmişəm,
Muradın al Zəngilandan, yaraşır.

Dolan yurdu, necə ki, bu ömür var,
Ziyarətdir, kimdə elə dövr var…
Yanır bağrım, ürəyimdə qövr var,
Keç Laçına Qubadlıdan, yaraşır.

Toy-düyündür Mahirəyə vaxt, zaman,
Salnaməni özü yazsın anbaan.
Cabbar ilə Xan dayansın yanbayan,
Oxusunlar, olar dərman, yaraşır.


Türkə qurban, nə cür aldır bayrağı?!
Bədirlənmiş tək hilaldır bayrağı.
Xankəndində özün qaldır bayrağı,
Bayraq Sənə, Baş Komandan, yaraşır.

 

Mahirə Nağıqızı

Ətraflı

Bənzər məqalələr

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button