Cəmiyyət

Maqsud Süleymanlı: “Vətən savaşı nəinki Azərbaycana bütün regiona sülh və inkişaf gətirdi”

Türkiyə Respublikasının prezidenti Rəcəb Tayyib Ərdoğanın Azərbaycana, Qarabağa gəlişi ilk Türk dövlət başçısının səfəri idi. Bu Azərbaycan, Türkiyə qardaşlığnın, müttəfiqliyinin bütün sahələr üzrə əməkdaşlığının ən yüksək səviyyədə nümayişi idi.

Bu həmdə Türkiyənin Azərbaycana 30 illik işğal dövründəki, Vətən savaşında və savaşından sonra dəstəyinin bariz nümunəsi idi. Səfər erməni təcavüzündən xilas edilmiş müqəddəs torpaqların əsl sahiblərinin kim olduğunun dünyaya təqdimatı idi. 30 il ərzində Ermənistan hakimiyyəti işğal altında saxladıqları torpaqları nəinki qurub-yaratmaq, mövcud olanları belə məhv etməklə məşğul olmaları erməni xislətinin, erməni yalanının, dünyaya özləri ilə bağlı təqdim etdikləri erməni nağılının ifşası idi. Vətən müharibəsində əldə edilmiş qələbə 30 il ərzində mövcud olan bütün reallıqları dəyişməklə yanaşı nəinki Azərbaycan və Ermənistana, hətta regiona daimi sülhün, tərəqqinin hakim olma imkanlarının mövcudluğunu yaratmış oldu. Altı ölkəni – Rusiya, Türkiyə, Azərbaycan, İran, Ermənistan və Gürcüstanı birləşdirən yeni platforma ilə artıq bölgədə sabitlik meydana gələcək və düşmənçiliklər aradan qalxacaqdır. Yeni platforma bütün bölgənin inkişafına xidmət edəcəkdir. Davamlı sülhə gedən yol bölgədəki bütün xalqların və dövlətlərin qarşılıqlı etimad və əməkdaşlığından keçir. Naxçıvan ilə Bakını bir-biri ilə birləşdirəcək Zəngəzur dəhlizinin bölgəmizə gətirəcəyi rahatlığın və zənginliyin tərifini vermək mümkün deyil. Qarabağ, eyni zamanda dünyanı öz siyasi və iqtisadi maraqlarının arenası olaraq görənlərin hesablarının pozulduğu yerdir. Üstəlik, bütün bu proseslər Azərbaycan ilə birlikdə Ermənistan üçün də yeni bir dövrün başlanğıcıdır. Zəngəzur dəhlizində fəaliyyətə başlayacaq dəmir yolu ilə ermənilər də rahatlıqla Moskvaya və bütün dünyaya çıxa biləcəklər, beləliklə onlar özləri özlərini saldıqları blokadadan xilas ola biləcəklər. Ermənistan Azərbaycan ilə problemlərini həll etdikcə Türkiyə də lazımi addımları atacaqdır. Türkiyə sərhədlərinin açılmasının Ermənistana verəcəyi faydalar sadalamaqla bitməz. Bu Zəfər hər kəsin ortaq zəfərinə çeviriləcəkdir.

 

YAP Yevlax rayon təşkilatı Gənclər Birliyinin sədri Maqsud Süleymanlı

Ətraflı

Bənzər məqalələr

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button