Cəmiyyət

Bu gün şəhid Azər Mikayılovun doğum günüdür

Bu gün torpaqlarımızın azadlığı uğrunda gedən döyüşlərdə şəhidlik zirvəsinə yüksəlmiş Xüsusi təyinatlı komandir mayor Mikayılov Azər Əmrah oğlunun cənnətdəki ilk doğum günüdür.

Rezonans.az xəbər verir ki, Mikayılov Azər Əmrah oğlu 1 Avqust 1980-cı ildə Kəlbəcər rayonunun Quzeyçirkin kəndində ziyalı ailəsində dünyaya göz açıb.

Azər Mikayılov 1997 – ci ildə  orta məktəbi bitirərək 1998 – 2002 ci illərdə Bakı Alı Hərbi Məktəbində təhsil almışdır. 2002-2003 -cü illərdə Azərbaycan Silahlı Qüvvələrinin Təlim Tədris Mərkəzində təhsilini davam etdirib leytenant hərbi rütbəsinə layiq görülərək vətənimizin müdafiəsi üçün Azərbaycan Silahlı Qüvvələrinin sıralarına qəbul olunub.

Azər Mikayılov hərbi fəaliyyətinə Naxçıvan Muxtar Respublikasının Əlahiddə Ümumqoşun Ordusu daxilində “hərbi hissənin motoatıcı tağım komandiri” qismində başlayıb. Qısa müddətdən sonra o, “hərbi hissənin kəşfiyyat bölüyünə tağım komandiri” təyin edildi…

Günü-gündən hərbi sirrləri mənimsəyərək əsl kəşfiyyatçi kimi formalaşan Azər öz ixtisası üzrə daha da yüksəlib.
Daha sonralar “Kəşfiyyat bölük komandiri”, “hərbi hissənin kəşfiyyat rəisi”, Əlahiddə Ümumqoşun Ordusunun daxilində “xüsusi təyinatlı tabor qərargah rəisinin əməliyyat üzrə baş köməkçisi”, “tabor komandirinin müavini” və nəhayət “tabor komandiri” vəzifələrinə təyin edilib.

2016 -cı il aprel döyüşlərinə qatılan Azər, Lələtəpə yüksəkliyinin azad olunmasında fəal iştirak edib.

Hərbi fəaliyyəti ərzində Naxçıvan Muxtar Respublikasının müdafiəsində boyük xidmətləri olub. O, Naxçıvan Muxtar Respublikasında olan bir sıra uğurlu hərbi əməliyyatlara, o cümlədən 2018-ci ilin “Günnüt əməliyyatı”na birbaşa rəhbərlik edənlərdən biri olmuşdur.

Azər Mikayılovun peşəkarlığı nəzərə alınaraq o, Vətən müharibəsindən bir neçə ay əvvəl Naxçıvan Muxtar Respublikasından Beyləqan-Füzuli rayonları ərazisindəki N saylı Xüsusi Təyinatlı Hərbi Hissəyə göndərilib. Həmin hərbi hissədə Azər “qərargah rəisi” və “hərbi hissə komandiri” vəzifələrini icra edib.

Ötən ilin 27 sentyabrında başlayan Vətən müharibəsinə qoşulan Azər Mikayılov qəhrəmancasına torpaqlarımızın müdafiəsinə dayanıb. Həm özü, həm də tabeliyində olan şəxsi heyət Füzuli-Cəbrayıl-Hadrut istiqamətindəki ən ağır əməliyyatlara qatılıb.
Birbaşa döyüşlərə rəhbərlik edib.

Azər Mikayılov hərbi fəaliyyəti dövründə III dərəcəli “Qüsursuz xidmətə görə”,  II dərəcəli “Qüsursuz xidmətə görə”, I dərəcəli “Qüsursuz xidmətə görə”, “Azərbaycan Silahlı Qüvvələrinin 90 illiyi”, “Azərbaycan Silahlı Qüvvələrinim 95 illiyi”, “Azərbaycan Silahlı Qüvvələrinin 100 illiyi”, “Şücaətə görə” medalları ilə təltif edilib.

11 Oktyabr 2020-ci ildə Füzuli- Cəbrayıl istiqamətində gedən döyüşlərdə düşmənə ağır zərbə vuran Azər Mikayılov qəhrəmancasına şəhid olub.

Azər Mikayılov şəhid olduqdan sonra Azərbaycan Respublikası Prezidentinin sərəncamına əsasən “Qarabağ” ordeni və “Vətən uğrunda”, “Füzulinin azad olunması” medallarına layiq görülüb.

Allah rəhmət eləsin!

Ətraflı

Bənzər məqalələr

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button