Türkiyə Böyük Millət Məclisinin (TBMM) Azərbaycanla dostluq qrupunun üzvləri Bakıya gəliblər.
Bu barədə Rezonans.az-a dostluq qrupunun üzvü, AKP-li deputat Yunus Kılıç məlumat verib.
Onun sözlərinə görə, nümayəndə heyətində 7 deputat təmsil olunur. Y. Kılıç Azərbaycana səfərin 4 günlük nəzərdə tutulduğunu söyləyib.
Səfər zamanı bir sıra görüşlər keçiriləcək, aktual mövzular ətrafında fikir mübadiləsi aparılacaq.
Qeyd edək ki, Türkiyə nümayəndə heyətinin Qarabağa səfəri gözlənilmir.