Bu gün Müstəqil Dövlətlər Birliyi (MDB) Müdafiə Nazirləri Şurasının hərbi və hərbi-texniki əməkdaşlığa həsr olunmuş iclası keçiriləcək.
Rezonans.az xəbər verir ki, bu barədə Rusiya Federasiyasının Müdafiə Nazirliyi məlumat yayıb.
Qeyd olunub ki, səkkiz ölkənin - Ermənistan, Azərbaycan, Belarus, Qazaxıstan, Qırğızıstan, Rusiya, Tacikistan və Özbəkistanın müdafiə nazirliklərinin nümayəndə heyətləri artıq Tula vilayətinə gəliblər.
"Görüş zamanı nümayəndə heyətlərinin rəhbərləri qarşılıqlı maraq doğuran bir sıra hərbi və hərbi-texniki əməkdaşlıq məsələlərini müzakirə edəcəklər. Həmçinin dünyada yaranan hərbi-siyasi vəziyyətlə bağlı fikir mübadiləsi aparılacaq", - məlumatda deyilir.
