Ağstafa Rayon Polis Şöbəsinə rayonun Eynallı kəndi ərazisindəki qəbristanlığın yaxınlığında silah-sursat olması barədə məlumat daxil olub.
DİN-in Mətbuat Xidmətinin Gəncə regional qrupundan Rezonans.az-a verilən məlumata görə, polis əməkdaşları həmin ünvana gələrək müvafiq tədbirlər həyata keçirib. Sözügedən əraziyə baxış keçirilən zaman oradan 5 ədəd müxtəlif markalı və kalibirli ov tüfəngləri aşkarlanıb.
Götürülən maddi sübutlar müvafiq ekspertizaya təqdim olunub, faktla bağlı araşdırmalar davam etdirilir.
