Kanada və Avropa İttifaqı Rusiyaya qarşı geniş sanksiyalar tətbiq etməyə davam edəcək.
Rezonans.az “RİA Novosti”yə istinadən xəbər verir ki, bu barədə Aİ-Kanada sammitinin yekunları üzrə dərc edilmiş birgə bəyanatda qeyd olunub.
“Xüsusilə, biz Rusiyaya qarşı geniş sanksiyalar, eləcə də ixrac nəzarəti sahəsində ciddi məhdudiyyətlər və qadağalar tətbiq etməyə davam edəcəyik”, - bəyanatda deyilir.
Qeyd edək ki, noyabrın 15-də Rusiya Xarici İşlər Nazirliyinin sözçüsü Mariya Zaxarova Aİ-nin Rusiyaya qarşı 12-ci sanksiyalar paketini beynəlxalq hüququn pozulması adlandırıb və bunun cavabsız qalmayacağını bildirib.
