Dekabrın 18-də Füzuli rayonunda ağır yol qəzası baş verib.
Rezonans.az xəbər verir ki, Əhmədbəyli kənd sakini Möhsüm Möhsümzadənin idarə etdiyi “Khazar SD” markalı avtomobil aşıb.
Belə ki, nəqliyyat vasitəsi Hacıqabul-Mincivan avtomobil yolunun 138-ci kilometrliyində hərəkətdə olarkən idarəetmədən çıxaraq dərəyə düşüb.
Nəticədə sürücü M.Möhsümzadə aldığı xəsarətlərdən hadisə yerində ölüb.
Faktla bağlı Füzuli RPŞ-də cinayət işi başlanıb, istintaq aparılır.
