Rusiya Müdafiə Nazirliyi Ukraynaya məxsus bir ədəd “SU-25” və bir ədəd “SU-27” təyyarələrinin vuruluduğunu açıqlayıb.
Rezonans.az xarici KİV-ə istinadən xəbər verir ki, məlumatda həmçinin Ukraynaya məxsus 6 ədəd “Neptun” raketinin və 38 ədəd PUA-nın zərərsizləşdirildiyi qeyd olunub.
Bildirilib ki, Kupyansk istiqamətində Qərb Hərbi Qrupunun aviasiya və artilleriya qüvvələrinin dəstəyi ilə Ukrayna Silahlı Qüvvələrinin 4 hücumunun qarşısı alınıb. Ukrayna ordusu bu istiqamətdə 50-dən çox əsgər itirib.
Donetsk istiqamətində Ukrayna ordusu ümumilikdə 300-dən çox əsgər, 4 zirehli döyüş maşını və 20 avtomobil itirib. Bundan başqa, Fransa istehsalı olan “Sezar” özüyeriyən artilleriya sistemi, ABŞ istehsalı olan “M119” haubitsası və Ukrayna ordusunun silah-sursat anbarının məhv edildiyi qeyd olunub.
