Rusiyada illik inflyasiya aprel ayında 17,83 faizə çatıb.
Rezonans.az xəbər verir ki, bu barədə Rusiya Federal Statistika İnstitutu (Rosstat) məlumat yayıb.
Bu, 2002-ci ilin yanvarından bəri ən yüksək səviyyədir.
Məlumata görə, aprel ayında ölkədə ərzaq məhsullarının qiyməti 20,5 faiz artıb. Sözügedən dövrdə qeyri-ərzaq məhsullarının qiymətləri 20,2 faiz, xidmət məhsullarının qiymətləri isə 10,9 faiz bahalaşıb.
Rusiya Mərkəzi Bankının proqnozlarına görə, 2022-ci ildə ölkədə illik inflyasiyanın 18-23 faiz arasında olacağı gözlənilir.
