![img](/uploads/posts/2024-02/medium/1707065313_17070650384147113089_1200x630.jpg)
Şəmkirdə odlu silahla vətəndaşa xəsarət yetirən qardaşlar elə həmin gün saxlanılıblar
Xəbər verdiyimiz kimi fevralın 2-də Şəmkir Rayon Polis Şöbəsinin əməkdaşlarının keçirdikləri əməliyyat-axtarış tədbirləri nəticəsində rayon sakini Zabil Aslonova odlu silahla xəsarət yetirməkdə şübhəli bilinən şəxslər elə həmin gün saxlanılıblar.
DİN-in mətbuat xidmətinin regional qrupundan Rezonans.az-a verilən məlumata görə, saxlanılan Bahəddin və Babək Bayramlı qardaşlarından Bahəddin Bayramlıya məxsus avtomobildən cinayət aləti olan 1 ədəd “Kalaşnikov” markalı avtomat aşkar olunaraq götürülüb.
Hadisə şəxsi münasibətlər zəminində baş verib.
Şübhəli şəxslər barəsində Cinayət Məcəlləsinin müfaviq maddəsi ilə cinayət işi qaldırılıb, istintaq hərəkətləri davam etdirilir.