![img](/uploads/posts/2024-02/medium/1707141416_100461_65c0e85a2d694.jpg)
Naxçıvan Muxtar Respublikasında yol-nəqliyyat hadisəsi baş verib.
Rezonans.az xəbər verir ki, hadisə "Azərbaycan" küçəsi ilə Heydər Əliyev prospektinin kəsişməsində qeydə alınıb.
Belə ki, 77-ET-218 dövlət nömrə nişanlı "Toyota" markalı avtomobillə 75-BJ-181 dövlət nömrə nişanlı "VAZ 2107" markalı avtomobillə toqquşması nəticəsində 3 nəfər xəsarət alıb.
Onlar Naxçıvan Mərkəzi Xəstəxanasına yerləşdiriliblər. Xəsarət alanlardan biri Naxçıvan şəhər sakini, 2001-ci il təvəllüdlü Quliyev Fərid Pərviz oğludur.
Hadisə yerinə Naxçıvan Muxtar Respublikası Daxili İşlər Nazirliyinin və Fövqəladə Hallar Nazirliyinin əməkdaşları gəlib.
Faktla bağlı araşdırma aparılır.