Rusiyanın xarici işlər nazirinin müavini Mixail Qaluzin Ankarada türkiyəli həmkarı Burak Akçapar ilə Ukraynadakı münaqişənin diplomatik həlli və Azərbaycan-Ermənistan münasibətlərinin normallaşdırılması mövzularında məsləhətləşmələr aparıb.
Rezonans.az xəbər verir ki, bu barədə TASS məlumat yayıb.
Qeyd olunub ki, diplomatlar Ukraynadakı münaqişəni və onun həlli perspektivlərini müzakirə ediblər.
Tərəflər Azərbaycan-Ermənistan münasibətlərinin normallaşması prosesinin və bu məsələnin ilk növbədə regional formatlar çərçivəsində həllinin vacibliyini vurğulayıblar.
