Pakistanın baş naziri Şahbaz Şərif rəsmi tədbirlərdə qırmızı xalçadan istifadəni qadağan edib.
Rezonans.az xəbər verir ki, yerli media qərarın Pakistanın üzləşdiyi ciddi iqtisadi problemlər fonunda qəbul edildiyini yazıb.
Hökumət diplomatik tədbirlərdə qırmızı xalçadan istifadənin yalnız protokol məqsədləri ilə məhdudlaşdırılacağını açıqlayan bildiriş yayıb.
Xatırladaq ki, Şərif vəzifəyə gəldikdən bir neçə həftə ərzində hökumət xərclərini azaltmağa yönəlmiş qənaət tədbirlərini açıqlayıb.
Tədbirlərə lüks avtomobillərin alınmasına qadağa qoyulması, nazirlərin ekonom sinifdə səyahət etmələri və kommunal xərclərini özləri ödəmələri və beşulduzlu otellərdə qalmamaq tələbi daxildir.
