İran Yaxın Şərqdə eskalasiyanı istəmir, lakin HƏMAS Siyasi Bürosunun lideri İsmayıl Haniyəni öldürdüyünə görə İsraili “cəzalandırmaq” niyyətindədir.
Rezonans.az xəbər verir ki, bu barədə İslam Respublikasının Xarici İşlər Nazirliyi məlumat yayıb.
İran Xarici İşlər Nazirliyi vurğulayıb ki, Tehran regionda qeyri-sabitliyin daha da qarşısını almaq üçün İsraili “cəzalandırmalıdır”.
Bundan əvvəl Yəhudi Dövlətinin baş naziri Benyamin Netanyahunun ofisinin müşaviri Dmitri Gendelman xəbərdarlıq etmişdi ki, İsrail həm müdafiə, həm də hücumda İranla bağlı vəziyyət ətrafında istənilən inkişafa hazırdır. O qeyd edib ki, İsrail istənilən ssenari üçün yüksək hazırlıq vəziyyətindədir. Gendelman bildirib ki, yəhudi dövləti istənilən istiqamətdən təcavüzə cavab olaraq “çox ağır zərər verəcək”.
