Cari ilin yanvar-iyun aylarında paytaxt əhalisinin tələbatlarının ödənilməsi məqsədilə paytaxtın istehlak bazarında satılmış məhsulların və göstərilmiş xidmətlərin həcmi 20 milyard 166 milyon manat olmaqla, 2023-cü ilin müvafiq dövrünə nisbətən müqayisəli qiymətlərlə 5,2 faiz artıb.
Rezonans.az Bakı Şəhər Statistika İdarəsinə istinadla xəbər verir ki, satılmış məhsulların və göstərilmiş xidmətlərin ümumi həcminin 94,4 faizini qeyri-dövlət sektoru təşkil edib. Bu bölmə üzrə pərakəndə ticarət dövriyyəsinin və ödənişli xidmətlərin dəyəri 2023-cü ilin müvafiq dövrünə nisbətən real ifadədə 4,2 faiz artaraq 19 milyard 037,4 milyon manat olub.
Hesabat dövründə hüquqi şəxs statuslu müəssisələrdə satılmış məhsulların və göstərilmiş xidmətlərin ümumi dəyəri əvvəlki ilin eyni dövrünə nisbətən 15,4 faiz artaraq 9 milyard 593,5 milyon manat təşkil edib.
