Rusiya Xarici İşlər Nazirliyinin rəsmi nümayəndəsi Mariya Zaxarova Rusiyanın Ermənistanda gözlənilən çevrilişdə iştirakı ilə bağlı sualı cavablandırarkən zarafat edib.
Rezonans.az xəbər verir ki, rəsminin sözlərini "Ren TV" sitat gətirib.
"Ümid edirəm ki, Komediya Klubunun bağlanmasının səbəbi bu deyil?" – o, jurnalistlərə cavabında deyib.
Xatırladaq ki, bir müddət əvvəl Ermənistanda dövlət çevrilişinə hazırlaşdıqları və Rusiyada təhsil aldıqları iddia edilən bir qrup sui-qəsdçinin saxlanıldığı məlum olub. Bunun fonunda, “Qazprom-Media” təsisçiləri və prodüserləri əsasən ermənilərdən ibarət “Comedy Club” şousunun bağlandığını elan edib.
