Saatlı və Salyanda qanunsuz ov edən şəxslər saxlanılıblar.
DİN-in Mətbuat Xidmətinin Şirvan regional qrupundan Rezonans.az-a verilən məlumata görə, Saatlı Rayon Polis Şöbəsinin əməkdaşları tərəfindən keçirilən tədbir zamanı rayonun Sımada kəndi ərazisində qanunsuz olaraq çöl quşları ovlayan D.Əliyev saxlanılıb. Həmin şəxsdən müvafiq sənədləri olmayan ov tüfəngi və ovladığı çöl quşları aşkarlanıb.
Salyan Rayon Polis Şöbəsinin əməkdaşları tərəfindən eyni istiqamətdə keçirilən tədbir zamanı isə rayonun Şorsulu kəndi ərasizində çöl quşları ovlayan M.Ağayev saxlanılıb. Həmin şəxsdən 1 ədəd tüfəng və həmin silaha aid patronlar, ov qurğuları, eləcə də qanunsuz olaraq ovladığı çöl quşları aşkar olunub.
Faktlarla bağlı araşdırmalar aparılır.
