Süveyş kanalından avqustun 6-da rekord sayda yük gəmisi keçib.
Rezonans.az xəbər verir ki, Süveyş Kanalı İdarəsinin rəisi Usamə Rabiyə jurnalistlərə müsahibəsində bildirib ki, şənbə günü kanaldan 5,2 milyon ton yük daşıyan 89 gəmi keçib.
Onun sözlərinə görə, şimal istiqamətindən 44, cənub istiqamətindən isə 45 gəmi təhlükəsiz şəraitdə yola salınıb.
Genişləndirmə işləri tamamlandıqdan sonra Süveyş kanalının gündəlik tranzit həcmi daha da artıb.
Ən yüksək göstərici ötən il sentyabrın 21-də qeydə alınıb.
Həmin gün kanaldan 87 gəmi keçib. Bununla yanaşı, Süveyş kanalının gəlirləri də rekord səviyyəyə çatıb. Belə ki, iyulda gəmilərin keçidindən aylıq tranzit gəlir 704 milyon dollara çatıb.
