Bu il Azərbaycanda baş verən yanğınlarda 29 nəfər həlak olub.
Rezonans.az xəbər verir ki, bu barədə fövqəladə hallar nazirinin müavini, general-leytenant Etibar Mirzəyev bu gün keçirilən mətbuat konfransında məlumat verib.
Nazir müavini qeyd edib ki, yanğınlar avqustun 14-dən etibarən daha çox şimal bölgəsində baş verib:
"Həmin zonadakı bütün rayonlarda yanğın baş verib. Ümumilikdə, 2022-ci ildə Azərbaycanda 10 900 yanğın hadisəsi olub. Əksəriyyəti meşə və meşə massivi ərazisində qeydə alınıb. Yanğınlar zamanı 2318 biçilmiş taxıl zəmiləri yanıb".
