İjevskdə orta məktəbdə baş vermiş atışmada 5-i uşaq olmaqla 9 nəfər ölüb.
Rezonans.az xəbər verir ki, bu barədə Rusiya İstintaq Komitəsi məlumat yayıb.
Faktla bağlı cinayət işi açılıb, İstintaq Komitəsinin Mərkəzi Aparatı tərəfindən araşdırma aparılır.
***
12:00
Rusiyanın İjevsk şəhərində yerləşən 88 saylı orta məktəbdə atışma olub.
Rezonans.az xarici KİV-ə istinadən xəbər verir ki, hadisə yerinə təcili tibbi yardım briqadaları göndərilib.
İlkin məlumata görə, silahlı insident zamanı 7 nəfər həlak olub, 10 nəfər isə yaralanıb. Ölənlərdən 3 nəfəri məktəbli, biri isə cinayətkarın özüdür.
Atışma dərs zamanı başlayıb. Qara geyimli naməlum şəxs sinif otağına girərək uşaqlara atəş açıb. Silahlı şəxs daha sonra özünü güllələyərək öldürüb.
