Bakının Xətai rayonu, Lütfi Zadə küçəsində çoxmərtəbəli yaşayış binasında baş verən yanğının söndürülməsi istiqamətində tədbirlər davam etdirilir.
FHN-dən Rezonans.az-a verilən məlumata görə, bina sakinləri təxliyə olunub. Yanğının söndürülməsi üçün əraziyə FHN qüvvələri cəlb edilib.
16:51 ***
Fövqəladə Hallar Nazirliyinin (FHN) "112" qaynar telefon xəttinə Bakı şəhəri, Xətai rayonu, Lütfi Zadə küçəsində çoxmərtəbəli yaşayış binasında yanğın olması barədə məlumat daxil olub.
Bu barədə Rezonans.az-a nazirlikdən məlumat verilib.
Qeyd olunub ki, məlumatla əlaqədar FHN-nin Dövlət Yanğından Mühafizə Xidmətinin yanğından mühafizə bölmələri və Xüsusi Riskli Xilasetmə Xidmətinin xilasediciləri çağırış üzrə cəlb olunub.
Hazırda yanğınsöndürmə işləri davam etdirilir.
