“Siyasi partiyalar haqqında” yeni hazırlanan qanun layihəsi siyasi mədəniyyətinin, plüralizmin, həmçinin siyasi partiyaların inkişafı baxımdan mühüm rol oynayacaq.
Bunu Rezonans.az-a açıqlamasında
deputat Müşfiq Məmmədli deyib.
Onun sözlərinə görə, adı çəkilən qanunun müasir dövrün tələbləri nəzərə alınaraq hazırlanıb. “Qanun layihəsi bütün maraqlı tərəflərin, xüsusən də ölkədə fəaliyyət göstərən, siyasi partiyaların, QHT-lərin iştirakı ilə Milli Məclisdə bir neçə dəfə geniş dinləmələri keçirilib. Onlaırn təklifləri və tövsiyyələri nəzərə alınıb. Bu dinləmələrin nəticəsi olaraq qanun layihəsinin yenilənmiş variantı Milli Məclisin İctimai birliklər və dini qurumlar, Hüquq siyasəti və dövlət quruculuğu, İnsan hüquqları komitələrinin birgə iclasında birinci oxunuşda müzakirə edilib. Dinləmələr zamanı qanun layihəsinə siaysi partiyanın yaradılmasında təsisçilərin, partiya üzvlərinin sayı aladılması, o cümlədən 20 il ölkədə yaşamaq tələbi kimi müddəalar ləğv edilib”- o qeyd edib.
Deputat əlavə edib ki, bu, hakimiyyətin siyasi partiyalaşma institutunun formalaşmasına və inkişafında maraqlı olduğunun bariz nümunəsi hesab etmək olar: “Bunu eyni zamanda qanunverici orqan kimi Milli Məclisin konstruktiv təkliflərə açıq olmasının göstəricisi kimi dəyərləndirmək olar. Artıq son illərdə biz parlamentdə cəmiyyəti narahat edən, o cümlədən ciddi məsələlərlə bağlı dinləmələrin keçirilməsi bir ənənə halını alıb. Bu qanun layihəsinin də müzakirəsi həmin müzakirələrdən biridir.
Digər mühüm məqam isə ondan ibarətdir ki, cənab Prezidentin həyata keçirdiyi siyasi islahatlar nəticəsində ölkədə yeni siyasi konfiqurasiya formalaşıb. Yaranmış yeni siyasi konfiqurasiya isə ölkədə siyasi qüvvələr arasında dialoq, etimad mühitinin, milli birliyin, həmrəyliyin yaranmasına səbəb olub.
Məhz bunun nəticəsidir ki, dünənə kimi ən radikal müxalif mövqedə dayanan siyasi qüvvələr cənab Prezidentin yürütdüyü siyasət milli və dövlət maraqlarına əsaslndığından, onun yürütdüyü siyasəti dəstəkləyib, ətrafında sıx birləşməyi bəyan ediblər.
YAP-ın yaranmasının 30 illiyi ilə bağlı keçirilən yubley tədbiri bunun barzi nümunəsidir. Əminəm ki, “Siyasi partiyalar haqqında” qanun layihəsi ölkədə siyasi partiyalaşma sisteminin inkişafı ilə yanaşı, ümüumlikdə ölkənin inkişafına öz töhfəsini verəcək”.