Milli Məclis sədrinin birinci müavini, parlamentin Hüquq siyasəti və dövlət quruculuğu komitəsinin sədri, Macarıstanla parlamentlərarası əlaqələr üzrə işçi qrupunun rəhbəri Əli Hüseynli mayın 27-də Macarıstanın paytaxtı Budapeşt şəhərinə yola düşəcək.
Rezonans.az xəbər verir ki, Əli Hüseynli burada Azərbaycan Respublikasının Macarıstandakı Səfirliyi tərəfindən təşkil olunacaq 28 may – Azərbaycan Respublikasının Müstəqillik Gününə həsr olunmuş tədbirə qatılacaq.
Tədbirdə Macarıstan Parlamentinin vitse-spikerinin və digər rəsmi şəxslərin iştirakı nəzərdə tutulub.
Səfər çərçivəsində Əli Hüseynlinin Azərbaycan-Macarıstan parlamentlərarası əlaqələrinin gücləndirilməsi məqsədilə bir sıra görüşləri də gözlənilir.
Səfər mayın 29-da başa çatacaq.
