26-28 may tarixlərində Rusiyanın Sankt-Peterburq şəhərində atçılığın dresaj növü üzrə “Maksima Masters” Avrasiya kuboku uğrunda yarış keçirilib.
Rezonans.az xəbər verir ki, 2 gün davam edən beynəlxalq yarışda 3 atla iştirak edən təmsilçimiz yarışın birinci günü cavan atlar arasında (5-7 yaş) 2 qızıl və Prix Sant George proqramı üzrə 1 bürünc, yarışın ikinci günü isə cavan atlar arasında (5-7 yaş) 2 qızıl və İntermediate 1 Freestyle proqramında 1 qızıl medal qazanaraq Dövlət Himnimizi 2 yarış günündə 5 dəfə səsləndirib.
Təmsilçimiz A. Əlibəyov əldə etdiyi möhtəşəm qələbəni tariximizin şanlı səhifələrindən olan 28 May - Müstəqillik Gününə həsr etdiyini bildirib.
