ABŞ prezidenti Co Bayden ABŞ Konqresini ölkədə baş verən son kütləvi atışmalara cavab olaraq hücum silahlarının və yüksək tutumlu silah sandıqlarının satışını qadağan etməyə çağırıb.
Rezonans.az bildirir ki, bu barədə ABŞ prezidenti ölkə vətəndaşlarına müraciətində deyib.
"Hücum silahlarına qoyulan qadağanı bərpa etməliyik", - deyə C.Bayden qeyd edib.
Onun sözlərinə görə, hücum silahlarının satışını qadağan edən qanunun qüvvəyə mindiyi 10 il ərzində kütləvi atışmaların sayı azalıb:
"Respublikaçılar qanunun 2004-cü ildə bitməsinə icazə verdikdən sonra bu silahların yenidən satışına icazə verildi. Kütləvi atışmalar üç dəfə artdı".
Konqres bu qadağanı qəbul edə bilməsə, ABŞ prezidenti hücum silahlarının alınması yaşının 18-dən 21-ə qaldırılmasını təklif edib.
