![img](/uploads/posts/2024-07/medium/1721758423_1721756945_17217541305697862131_1200x630.jpg)
Azərbaycanın 18 yaşadək qızlardan ibarət basketbol millisi Avropa çempionatında ilk oyununa çıxıb.
Rezonans.az xəbər verir ki, yığma Priştinada keçirilən C divizionunun B qrupunda Albaniya seçməsi ilə üz-üzə gəlib. Görüş milli komandanın 72:53 hesablı qələbəsi ilə yekunlaşıb.
Qarşılaşmanın ən məhsuldar basketbolçusu millimizin üzvü Angelina İsmayılova (21 xal, 4 ribaund) olub.
Azərbaycan yığması qrupdakı növbəti matçını iyulun 24-də Bakı vaxtı ilə saat 19:00-da Gürcüstana qarşı keçirəcək.