Türkiyə Prezidenti Rəcəb Tayyib Ərdoğan ölkəsində "Instagram" sosial şəbəkəsinin bağlanması ilə bağlı ilk açıqlama verib.
Rezonans.az Türkiyə mətbuatına istinadən xəbər verir ki, məşhur sosial media platformasına tətbiq edilən giriş blokundan danışan Ərdoğan, "Rəqəmsal faşizmlə qarşı-qarşıyayıq. Terror təşkilatları sosial media platformalarında çaş-baş qalır. Bu platformalarda millətimizin inancı təhqir olunur. İstənilən əməkdaşlıq Türkiyənin həssaslığına hörmət etsələr heç bir problem olmayacaq",- deyib.
Ərdoğan Türkiyənin İnformasiya Texnologiyaları və Rabitə İdarəsi tərəfindən bağlanan "Instagram"ı belə dəyərləndirib:
"Ətrafımızda baş verən hadisələri birlikdə izləyirik. Biz proqramımızı dünyada son dərəcə ciddi insan haqları pozuntularının baş verdiyi bir vaxtda həyata keçiririk. Dünya siyasəti özünün ən sərt döngələrindən birini dönür. Beynəlxalq sistemdə ciddi hakimiyyət boşluğu var. Biz təkcə hakimiyyət boşluğu ilə deyil, həm də mənəviyyat və vicdan itkisi ilə üzləşirik. Bu boşluq günü-gündən özünü büruzə verir. Bu, özünü aydın hiss etdirir. Hamımızı qorxutmalı olan qan, qəddarlıq, müharibə və qarşıdurma səhnələri adiləşib. Bəşəriyyətin ümumi təhlükəsizliyini təmin etmək üçün qurduğu qurumlar, norma və qaydalar günü-gündən mövqelərini itirməkdədir. İnsan haqları, demokratiya, hüquq və qlobal ədalət kimi əsrlər boyu yığılıb qalmış anlayışlar köhnəlib. O, nüfuzunu və etibarını itirib".
