Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyinin Dağlıq Şirvan Regional Məşğulluq filialı tərəfindən İsmayıllı rayonu Heydər Əliyev adına parkda əmək yarmarkası təşkil olunub.
Rezonans.az xəbər verir ki, aktiv məşğulluq tədbirində dövlət və özəl sektordan 16 işəgötürən iştirak edib və müxtəlif fəaliyyət sahələri üzrə 200-ə yaxın vakansiya təqdim olunub.
Yarmarkada İsmayıllı Rayon İcra Hakimiyyətinin başçısı Nahid Bağırov və Dövlət Məşğulluq Agentliyinin İdarə Heyətinin sədri Sadiq Əliyev iştirak edərək işəgötürənlərlə tanış olub, təqdim edilən vakansiyalarla maraqlanıblar.
Yarmarkada sakinlərə vakansiyalar, iş öhdəlikləri haqqında məlumat verilib. Müraciət edən şəxslərin CV-ləri qəbul edilərək nəzərdən keçirilib, uyğun namizədlərin qeydiyyatı aparılıb.
Həmçinin iştirakçılara işğaldan azad olunmuş ərazilərimizdə icra olunan aktiv məşğulluq proqramları barədə məlumatlar verilib.
