Əmək və Əhalinin Sosial Müdafiəsi Nazirliyi tərəfindən özünüməşğulluq proqramı və Dünya Bankının maliyyə dəstəyi ilə icra olunan “Məşğulluğa Dəstək Layihəsi” çərçivəsində bu il artıq 900 şəhid ailəsi üzvü və müharibə veteranı üçün kiçik bizneslər yaradılıb.
Rezonans.az xəbər verir ki, onlardan 90 nəfəri şəhid ailəsi üzvləri, qalanları müharibə veteranlarıdır.
Həmin vətəndaşlar üçün ilkin mərhələdə biznes təlimlər təşkil olunub. Təlimi bitirdikdən sonra seçdikləri iqtisadi fəaliyyət istiqamətləri üzrə kiçik bizneslərini qurmaları üçün aktivlərlə təmin ediliblər.
