Futbol üzrə Türkiyə Super Liqasında İstanbul derbisi keçirilib.
Rezonans.az xəbər verir ki, 32-ci tura təsadüf edən prinsipial oyunda "Fənərbağça" öz meydanında "Qalatasaray"la qarşılaşıb.
"Ülkər" stadionunda təşkil olunan oyun "sarı-lacivərdlilər"in 2:0 hesablı qələbəsi ilə başa çatıb.
Meydan sahiblərinin heyətində qolları 26-cı dəqiqədə Miha Zayts və 68-ci dəqiqədə Serdar Dursun vurublar. Bu qələbədən sonra xallarının sayını 59-a çatdıran "Fənərbağça" 2-ci pilləyə yüksəlib, "Qalatasaray" isə 41 xalla 14-cü pilləyə geriləyib.
