Rumıniya Türkiyənin "Baykar" şirkətindən 18 ədəd "Bayraktar" zərbə tipli pilotsuz uçuş aparatları (PUA) almağı planlaşdırır.
Rezonans.az xəbər verir ki, bu barədə Rumıniya Müdafiə Nazirliyi məlumat yayıb.
Bildirilir ki, PUA-ların alınması ilə bağlı müqavilə bu il imzalana bilər.
Qanuna əsasən, 300 milyon dollar dəyərində olan müqavilənin imzalanması üçün Rumıniya parlamenti razılıq verməlidir.
Qeyd edək ki, Azərbaycan Ordusunun da istifadə etdiyi "Bayraktar TB2" PUA-ları Türkiyə tərəfindən 30-a yaxın ölkəyə ixrac edilib.
