Britaniya kraliçası II Elizabetin tabutu olan kortej Şotlandiyanın Edinburq şəhərinə çatıb.
Rezonans.az "Reuters" agentliyinə istinadən xəbər verir ki, tabut Holirud sarayının taxt zalına yerləşdiriləcək.
Sentyabrın 12-də Müqəddəs Egidiya kilsəsində Böyük Britaniya Kralı III Karlın və Şotlandiyanın birinci naziri Nikola Stercenin iştirakı ilə ibadət mərasimi keçiriləcək.
Sentyabrın 13-də tabut Edinburqdan təyyarə ilə London ətrafındakı “Northolt” aviabazasına gətiriləcək. Daha əvvəl mərasim Aberdin, Dandi və Pertdə olub.
Kraliça II Elizabetin dəfn mərasimi sentyabrın 19-da keçiriləcək.
