Bu gün NATO-ya üzv olmaq istəyən İsveçdə parlament seçkiləri keçirilib.
Rezonans.az xəbər verir ki, seçkilərin favorit siyasi qüvvələri hazırda hakimiyyətdə olan sol mərkəzçi Sosial Demokrat və miqrasiya əleyhinə fikirləri ilə məşhur olan sağçı İsveç Demokratları partiyalarıdır.
SVT kanalının apardığı exit-poll nəticələrinə əsasən, hazırkı baş nazir Maqdalena Anderssonun rəhbərlik etdiyiniz sol mərkəzçi blok 49,8%, müxalifətdəki sağçı partiyalar isə 49,2% səs qazanıb.
Bu nəticələrə əsasən səkkiz ildir hakimiyyətdə olan Sosial Demokratlar Partiyasının rəhbərlik etdiyi mərkəz sol bloku 176 yer qazanacaq. 349 mandatdan ibarət parlamentdə çoxluq üçün lazım olan deputat sayı 175-dir. Müxalif qüvvələrin 173 mandat əldə edəcəyi gözlənilir.
