Cari ilin iki ayında Ermənistanda ölüm halları yeni doğulanların sayını üstələyib.
Rezonans.az xəbər verir ki, bu barədə Ermənistan Dövlət Statistika Komitəsi məlumat yayıb.
Bildirilib ki, yanvar-fevral aylarında ölkədə 6030 nəfər ölüb, bu da 2021-ci ilin eyni dövrü ilə müqayisədə 599 fakt çoxdur. Eyni zamanda iki ay ərzində Ermənistanda 5344 körpə doğulub, bu göstərici 2021-ci ilin eyni dövrü ilə müqayisədə 189 nəfər azdır.
Qeyd edək ki, keçən ilin müvafiq dövründə Ermənistanda 5533 körpə dünyaya gəlib.
