Türkiyədə Azərbaycanın istiqlal şairi Əhməd Cavadın heykəlinin açılışı olacaq.
Rezonans.az xəbər verir ki, bu barədə Azərbaycanın Türkiyədəki Səfirliyi məlumat yayıb.
"Türk Tarix Muzeyi və Parkında ucaldılan heykəlin açılış mərasimi və şairin anım mərasimi mayın 5-də baş tutacaq", - deyə paylaşımda bildirilir.
Xatırladaq ki, Prezident İlham Əliyev aprelin 20-də Əhməd Cavadın 130 illiyinin qeyd olunması haqqında Sərəncam imzalayıb.
